తిర్మలాపురం శ్రీ వేంకటేశ్వర స్వామి ఆలయం బ్రహ్మోత్సవాలు 2026 – ధ్వజారోహణం, వాహన సేవలు, కల్యాణం, రథోత్సవం

దేవునితిర్మలాపురం శ్రీ వేంకటేశ్వరస్వామి బ్రహ్మోత్సవాలు

“తీరితే తిరుపతి.. లేకుంటే తిరుమలాపురం వెళ్లాలి” అనే నానుడి పూర్వకాలం నుంచే ప్రసిద్ధిగా వినిపిస్తుంది. ఆ నానుడికి నిదర్శనంగా నిలిచిన క్షేత్రమే దేవునితిర్మలాపురం. వందల ఏళ్ల చరిత్ర కలిగిన ఈ క్షేత్రంలో వెలసిన శ్రీదేవి, భూదేవి సమేత శ్రీ వేంకటేశ్వరస్వామి ఆలయం భక్తుల అపార విశ్వాసానికి ప్రతీకగా నిలుస్తోంది.

ఈ పవిత్ర ఆలయంలో బుధవారం నుంచి తొమ్మిది రోజుల పాటు వార్షిక బ్రహ్మోత్సవాలు అంగరంగ వైభవంగా జరగనున్నాయి. సంప్రదాయ పూజావిధానాలు, విశేష వాహన సేవలు, కల్యాణోత్సవాలతో ఈ ఉత్సవాలు భక్తులకు ఆధ్యాత్మిక ఆనందాన్ని అందించనున్నాయి.