Yadiki Chennakesava Temple: యాడికి శివలక్ష్మి చెన్నకేశవస్వామి ఆలయం బ్రహ్మోత్సవాలు 2026

అనంతపురం జిల్లాలోని యాడికి గ్రామంలో వెలసిన ఈ దివ్యక్షేత్రం శైవ–వైష్ణవ సంప్రదాయాల ఐక్యానికి ప్రతీకగా నిలుస్తోంది. ఒకే పీఠంపై శివ–విష్ణు తత్వాలు కలసి కొలువై ఉండటం ఈ ఆలయ మహిమ.

ఆలయ విశిష్టతలు

శివ–విష్ణు ఐక్యరూపం – ఒకే పీఠంపై శివలక్ష్మి చెన్నకేశవస్వామి విరాజిల్లడం ప్రత్యేకత.
విగ్రహ ప్రత్యేకత – సాధారణంగా విష్ణుమూర్తికి ఎడమచేతిలో శంఖం, కుడిచేతిలో చక్రం ఉంటాయి.అయితే ఇక్కడ ఎడమచేతిలో చక్రం, కుడిచేతిలో శంఖం దర్శనమివ్వడం విశేషం.

విజయనగర శైలిలో నిర్మాణం –

ఆలయాన్ని విజయనగర రాజుల కాలంలో జనమేజయుడు నిర్మించినట్లు చరిత్ర చెబుతోంది.
తరువాత శ్రీకృష్ణదేవరాయలు కాలంలో ఆలయం అభివృద్ధి చెంది విశేష ప్రాభవాన్ని పొందింది.
పుష్కరిణి – స్వామివారి మంగళస్నానాల కోసం పవిత్ర పుష్కరిణి ఉంది.
రాజగోపురం – సుమారు రెండు కిలోమీటర్ల దూరం నుంచే కనిపించే భవ్యమైన గోపురం.

బ్రహ్మోత్సవాల వైభవం (11 రోజులు)

ప్రతి సంవత్సరం ఫాల్గుణ మాసంలో అంగరంగ వైభవంగా నిర్వహిస్తారు. గ్రామానికి పూర్వనామం “వేడుకాపురం” అని, ఈ ఉత్సవాల ఘనత వల్లే యాడికిగా మారిందని పెద్దలు చెబుతారు.