Yadagirigutta Brahmotsavam 2026: యాదగిరిగుట్ట లక్ష్మీనృసింహ స్వామి వార్షిక బ్రహ్మోత్సవాలు 2026 – 11 రోజుల ఉత్సవాల పూర్తి షెడ్యూల్

తెలంగాణలోని ప్రసిద్ధ వైష్ణవ దివ్యక్షేత్రాలలో అగ్రగణ్యంగా నిలిచిన యాదగిరిగుట్ట శ్రీ లక్ష్మీనృసింహస్వామి ఆలయం ఆధ్యాత్మిక చరిత్ర, స్థలపురాణం, పంచ నరసింహ రూపాల మహిమతో అపారమైన భక్తిశ్రద్ధలను సంతరించుకుంది. త్రేతాయుగం నాటిదిగా భావించే ఈ క్షేత్రం భక్తులకు రోగనివారణ, భయ నివారణ, కోరికల సాధన క్షేత్రంగా ప్రసిద్ధి పొందింది.

యాదర్షి మహర్షి తపస్సు – క్షేత్ర ఆవిర్భావం

శ్రీరాముని బావగారైన ఋష్యశృంగ మహర్షి కుమారుడు యాదర్షి మహర్షి. ఆయన ఘోర తపస్సు వల్ల శ్రీ లక్ష్మీనరసింహ స్వామి యాదగిరిపై పంచ నరసింహ రూపాలలో ప్రత్యక్షమయ్యాడని స్థలపురాణం చెబుతోంది.

యాదర్షి దర్శించిన ఉగ్ర నరసింహ రూపమే యాదగిరిగుట్టగా అవతరించిందని భక్తుల విశ్వాసం.

క్షేత్రపాలకుడు ఆంజనేయ స్వామి

యాదాద్రి క్షేత్రపాలకుడు ఆంజనేయుడు. ఆయన ఆజ్ఞతోనే యాదర్షి ఈ ప్రాంతంలో తపస్సు చేయడానికి వచ్చాడని పురాణగాథ చెబుతోంది.

యాదాద్రిలో ప్రసన్నాంజనేయ స్వామి దర్శనం లభిస్తుంది. అక్కడే గండభేరుండ స్వామి దర్శనం కూడా ప్రత్యేకంగా ఉంటుంది. ఆయనకు ప్రదక్షిణలు చేస్తే:

• సర్వ రోగాలు
• భూత, ప్రేత, పిశాచ బాధలు

తొలగుతాయని భక్తులు నమ్ముతారు

పంచ నరసింహ స్వరూపాలు

యాదాద్రిలో నరసింహ స్వామి ఐదు మహారూపాలలో వెలసి ఉన్నాడు:

యోగానంద నరసింహుడు

దక్షిణాభిముఖంగా యోగముద్రలో జ్ఞానప్రదాయకుడిగా దర్శనమిస్తాడు.

లక్ష్మీ నరసింహుడు

దేవప్రాచీ దిశలో వెలసి, దర్శన మాత్రంతో కోరికలు తీర్చే దయామూర్తి.

జ్వాలా నరసింహుడు

రెండు శిలాఫలకాల మధ్య సర్పాకార శ్రీచూర్ణరేఖతో జ్వాలారూపంలో వెలిసిన ఉగ్ర స్వరూపం.

ఉగ్ర నరసింహుడు

యాదాద్రి కొండంతా ఆవరించిన మహారూపంగా భావిస్తారు.

స్వయంభూ నరసింహుడు

మూలమూర్తిగా విరాజిల్లే ఈ రూపం పంచ నరసింహుల సమ్మేళన స్వరూపం.

విష్ణుకుండం – ఆకాశగంగ పాదతీర్థం

యాదాద్రి గుహలో కృతయుగం నుంచే స్వామివారు నివసిస్తున్నారని విశ్వాసం. బ్రహ్మాదిదేవతలు ఆకాశగంగ జలాలతో అభిషేకం చేయగా, ఆ పాదతీర్థం విష్ణుకుండంగా అవతరించి నేటికీ భక్తులను పావనం చేస్తోంది.

రాక్షస సంహారం – శ్రీచక్ర ప్రభావం

యాదర్షి తపస్సు చేస్తున్న సమయంలో ఒక రాక్షసుడు దాడి చేయగా, భక్తరక్షణార్థం స్వామివారు శ్రీచక్రాన్ని ప్రయోగించి అగ్నిజ్వాలలతో అతని శిరస్సును తెగగొట్టాడని పురాణం చెబుతుంది.

ఆ దివ్యశక్తి యాదగిరి ఆలయ గోపురంపై షట్కోణాకారంలో ఆవిర్భవించిందని విశ్వసిస్తారు. దర్శనమాత్రంతో రోగ ఉపశమనం కలుగుతుందని భక్తుల నమ్మకం.

చారిత్రక ప్రస్తావనలు

12వ శతాబ్దంలో పశ్చిమ చాళుక్య చక్రవర్తులు భువనగిరి ప్రాంతంలో కోట నిర్మించి ఈ స్వామిని ఆరాధించినట్లు చారిత్రక ఆధారాలు సూచిస్తున్నాయి.

బ్రహ్మోత్సవ శోభ

యాదాద్రిలో సుప్రభాత సేవ నుంచి ఏకాంత సేవ వరకు అన్ని కైంకర్యాలు పాంచరాత్ర ఆగమ విధానంలో నిర్వహిస్తారు.

ఇక్కడ జరిగే ప్రధాన ఉత్సవాలు:

• నిత్యోత్సవాలు
• వార్షిక బ్రహ్మోత్సవాలు
• అధ్యయనోత్సవాలు
• ఆళ్వారుల తిరునక్షత్ర ఉత్సవాలు

వార్షిక బ్రహ్మోత్సవాలు – నిర్వహణ విధానం

• నవాహ్నిక దీక్షతో 11 రోజులపాటు
• ఫాల్గుణ శుద్ధ విదియ నుంచి ద్వాదశి వరకు
• ధ్వజారోహణం నుంచి శృంగార డోలోత్సవం వరకు ఆగమశాస్త్రానుసారం

ముఖ్య ఘట్టాలు

• ఎదుర్కోలు మహోత్సవం
• తిరుకల్యాణ మహోత్సవం
• దివ్య విమాన రథోత్సవం
• శతఘటాభిషేకం
• చక్రస్నానం
• శృంగార డోలోత్సవం

రథోత్సవం కన్నుల పండువగా సాగుతుంది. చక్రస్నానంలో వేలాది భక్తులు పాల్గొంటారు.

ప్రభుత్వం తరఫున ముఖ్యమంత్రి స్వయంగా:

• పట్టువస్త్రాలు
• ముత్యాల తలంబ్రాలు

సమర్పించడం ఆనవాయితీగా కొనసాగుతోంది

తెలంగాణలోని ప్రముఖ వైష్ణవ దివ్యక్షేత్రాల్లో ఒకటైన యాదగిరిగుట్ట శ్రీ లక్ష్మీనృసింహస్వామి ఆలయం లో వార్షిక బ్రహ్మోత్సవాల నిర్వహణకు అంగరంగ వైభవంగా ఏర్పాట్లు జరుగుతున్నాయి. 11 రోజులపాటు నిర్వహించే ఈ మహోత్సవాలు ఈ నెల 18వ తేదీన ప్రారంభమై 28వ తేదీన పరిపూర్ణం కానున్నాయి.

ఆలంకరణ సేవలు – ప్రత్యేక దర్శనం

ఈ నెల 20 నుంచి 26 వరకు ఆలంకరణ సేవల్లో పాల్గొనే దంపతులకు ప్రత్యేక అవకాశాలు కల్పించారు.

సేవా రుసుము: రూ.20,000

భక్తులకు లభించే ప్రసాదాలు:

• అంతరాలయ దర్శనం
• స్వామివారి శేషవస్త్రం
• అభిషేక లడ్డూ
• వేద ఆశీర్వచనం

2026 ఉత్సవాల రోజు వారీ కార్యక్రమాలు

18వ తేదీ

• స్వస్తివచనం
• బ్రహ్మోత్సవాల ఆరంభం

19వ తేదీ

• ధ్వజారోహణం
• భేరీ పూజ

20వ తేదీ

• మత్స్యావతార అలంకరణ
• రాత్రి శేష వాహన సేవ

21వ తేదీ

• వటపత్రశాయి అలంకరణ
• హంస వాహన సేవ

22వ తేదీ

• శ్రీకృష్ణ అలంకారం (మురళీకృష్ణుడు)
• పొన్న వాహన సేవ

23వ తేదీ

• గోవర్ధనగిరి ధారి అలంకరణ
• సింహ వాహన సేవ

24వ తేదీ – ముఖ్య ఘట్టం

• రాత్రి అశ్వ వాహనంలో ఎదుర్కోళ్లోత్సవం

25వ తేదీ

• గజ వాహనంలో తిరుకల్యాణోత్సవం

26వ తేదీ

• మహావిష్ణు అలంకరణ
• గరుడ వాహన సేవ
• దివ్య విమాన రథోత్సవం

27వ తేదీ

• చక్ర తీర్థం
• రాత్రి శ్రీ పుష్పయాగం

28వ తేదీ – మహాసమాప్తి

• అష్టోత్తర శతఘటాభిషేకం
• డోలోత్సవం

నిత్యపూజలు రద్దు

బ్రహ్మోత్సవాల నేపథ్యంలో కొన్ని నిత్యసేవలు తాత్కాలికంగా రద్దు చేశారు:

రద్దు చేసిన సేవలు:

• సుదర్శన నరసింహ హోమం
• నిత్య కల్యాణోత్సవం
• జోడు సేవలు
• సహస్రనామార్చనలు
• భోగాలు

24 నుంచి 26 వరకు రాత్రి 7–8 గంటల మధ్య జరిగే:

• తిరువారాధన
• ఆరగింపు
• బలిహరణ

సేవలు నిలిపివేస్తారు.

27న అభిషేకాలు, అర్చనలు రద్దు చేసి లక్ష పుష్పార్చన మాత్రమే నిర్వహించనున్నారు.