Pulikonda Ranganatha Swamy Temple: పులికొండ రంగనాథస్వామి సంతానవరదుని ఆలయ చరిత్ర, బ్రహ్మోత్సవాలు 2026, విశేషాలు

పత్తికొండ మండలంలోని పులికొండ గ్రామంలో వెలసిన శ్రీ రంగనాథస్వామి భక్తులచే సంతానవరదుడుగా ఆరాధించబడుతున్నారు. సంతానం లేని దంపతులు ఈ దేవాలయంలో రాత్రి విశ్రాంతి (నిద్ర) తీసుకుంటే సంతానం కలుగుతుందనే గాఢ విశ్వాసం ఉంది. ఈ కారణంగా దూరప్రాంతాల నుంచీ కూడా అనేక మంది భక్తులు ఇక్కడికి తరలివస్తుంటారు.

2026 వార్షిక బ్రహ్మోత్సవాలు

ఆలయ నిర్వహణాధికారి తెలిపిన ప్రకారం బ్రహ్మోత్సవాలు ఈ నెల ఆదివారం నుండి 25వ తేదీ వరకు వైభవంగా నిర్వహించబడుతున్నాయి.

ఉత్సవ కార్యక్రమాలు

ఫిబ్రవరి 22 – కలశస్థాపన, పుణ్యాహవచనం, అంకురార్పణం
ఫిబ్రవరి 23 – అభిషేకపూజలు, సహస్రనామపూజ, కంకణధారణ, మహానైవేద్యం, పల్లకీసేవ, ఉపన్యాసాలు
ఫిబ్రవరి 24 – ఉదయం స్వామివారి కల్యాణోత్సవం, సాయంత్రం రథోత్సవం, రాత్రి నందికోలసేవ
ఫిబ్రవరి 25 – వసంతోత్సవంతో బ్రహ్మోత్సవాల ముగింపు