Penchalakona Temple: పెనుశిల లక్ష్మీనరసింహ స్వామి ఆలయంలో 2026 జనవరి 25న రథసప్తమి ఉత్సవాలు, సప్తవాహన సేవలు, ప్రత్యేక పూజలు

ప్రముఖ పుణ్యక్షేత్రమైన శ్రీ పెనుశిల లక్ష్మీనరసింహ స్వామివారి దేవస్థానంలో ఈ నెల 25వ తేదీన రథసప్తమి వేడుకలు ఘనంగా నిర్వహించేందుకు విస్తృత ఏర్పాట్లు జరుగుతున్నాయి. ఒకే రోజున శ్రీవారు సప్త వాహనాలపై విహరించే మహోత్సవాన్ని ప్రత్యక్షంగా వీక్షించేందుకు భక్తులు భారీ సంఖ్యలో తరలిరానున్నారని ఆలయ అధికారులు అంచనా వేస్తున్నారు.

ప్రత్యేక పూజలు – ఉదయం నుంచే ప్రారంభం

రథసప్తమి రోజున ఆదివారం తెల్లవారుజాము 4 గంటల నుంచే ఆలయంలో ప్రత్యేక పూజలు ప్రారంభమవుతాయి. నిత్య సేవలతో పాటు ఉత్సవ వాహన సేవలు భక్తిశ్రద్ధలతో నిర్వహించనున్నారు.