Rajamahendravaram Somalamma Temple: రాజమహేంద్రవరం పాత సోమాలమ్మ అమ్మవారి ఆలయం వార్షిక జాతర మహోత్సవాలు 2026 పూర్తి కార్యక్రమ వివరాలు

ఆంధ్రప్రదేశ్ సాంస్కృతిక రాజధానిగా పేరుగాంచిన రాజమహేంద్రవరంలో నగర దేవతగా భక్తుల ఆరాధనలు అందుకుంటున్న పాత సోమాలమ్మ అమ్మవారి ఆలయం వార్షిక జాతర మహోత్సవాలు ఈ నెల 26 నుంచి మార్చి 2 వరకు ఘనంగా నిర్వహించేందుకు ఉత్సవ కమిటీ విస్తృత ఏర్పాట్లు చేపట్టింది.

శ్యామలానగర్‌లో కొలువైన అమ్మవారిని దర్శించుకునేందుకు ఈ జాతర కాలంలో వేలాదిగా భక్తులు తరలివస్తారు. ఆధ్యాత్మిక కార్యక్రమాలు, సాంస్కృతిక ప్రదర్శనలు, ఊరేగింపులు జాతరకు ప్రత్యేక ఆకర్షణగా నిలుస్తాయి.

2026 ఉత్సవాల పూర్తి కార్యక్రమ వివరాలు

ఫిబ్రవరి 26 – దశమి (జాతర ప్రారంభం)

• తెల్లవారుజామున 4 గంటలకు పంచామృతాభిషేకం
• విశేష అలంకారం
• ఉదయం 10:10 గంటలకు కలశస్థాపన
• 10:30 గంటలకు లక్ష్మీ గణపతి హోమం
• సాయంత్రం 7 గంటల నుంచి శ్రీ ఉమా నృత్యనికేతన్ శిష్యబృందం చేత కూచిపూడి నృత్య ప్రదర్శన

ఫిబ్రవరి 27

• ఉదయం 8 గంటలకు చండీ హోమం
• సాయంత్రం 6 గంటలకు కూచిపూడి నృత్యం
• రాత్రి 7 గంటలకు సహస్ర జ్యోతిర్లింగార్చన

ఫిబ్రవరి 28

• ఉదయం 8:30 గంటలకు లక్ష పుష్పార్చన
• సాయంత్రం 6 గంటలకు శ్రీ వేంకటేశ్వర స్వామి గానామృతం

 మార్చి 1

• ఉదయం 9 గంటలకు సౌభాగ్య వ్రతం

• సాయంత్రం 6 గంటలకు శ్రీమహా గురుస్థాన్ క్షేత్రం వారిచే:

• అమ్మవారి పల్లకీ సేవ
• ఊయల సేవ
• సాయిబాబా భజనలు

మార్చి 2 – జాతర మహోత్సవం

• తెల్లవారుజామున 4 గంటలకు పంచామృతాభిషేకం
• విశేష అలంకారం

• మధ్యాహ్నం 3 గంటల నుంచి:

• గరగల నృత్యాలు
• కాళీ నృత్యం
• అమ్మవారి వేషధారణలు
• మేళతాళాలతో నగర వీధుల్లో వైభవమైన ఊరేగింపు

కుంకుమ పూజల సమయాలు

ఫిబ్రవరి 26 నుంచి మార్చి 2 వరకు ప్రతిరోజూ:

• ఉదయం: 8 గంటల నుంచి 12 గంటల వరకు
• సాయంత్రం: 5 గంటల నుంచి 8 గంటల వరకు

ఆలయ ఆవరణలోని ప్రత్యేక వేదికపై కుంకుమ పూజలు నిర్వహించబడతాయి.