Keesaragutta Ramalingeswara Swamy Temple: కీసరగుట్ట శ్రీ రామలింగేశ్వర స్వామి ఆలయం మహాశివరాత్రి ఉత్సవాలు 2026

 

తెలంగాణ రాష్ట్రంలోని రంగారెడ్డి జిల్లా కీసరగుట్టలో వెలసిన శ్రీ రామలింగేశ్వర స్వామి ఆలయం రాష్ట్రంలో అత్యంత ప్రాచుర్యం పొందిన శైవక్షేత్రాలలో ఒకటి. పరమేశ్వరుడికి అంకితమైన ఈ పవిత్ర క్షేత్రం మహాశివరాత్రి సందర్భంగా జరిగే వైభవోపేత ఉత్సవాలతో ఆధ్యాత్మిక కేంద్రంగా మారుతుంది. తెలంగాణతో పాటు పరిసర రాష్ట్రాల నుంచి కూడా వేలాది మంది భక్తులు తరలివచ్చి స్వామివారిని దర్శించుకుంటారు.

2026 సంవత్సర మహాశివరాత్రి ఉత్సవాలు ఫిబ్రవరి 13వ తేదీ నుండి ఘనంగా ప్రారంభం కానున్నాయి.

మహాశివరాత్రి ఉత్సవాల కార్యక్రమాల వివరాలు – 2026

ఫిబ్రవరి 13

గణేశ పూజ, పుణ్యాహవచనం, భేరి పూజ, ద్వజారోహణం, అగ్ని ప్రతిష్ఠ, మంత్రపుష్పం

ఫిబ్రవరి 14

బిల్వార్చన, ప్రదోషకాల పూజ, రుద్ర స్వాహాకార హోమం, మంత్రపుష్పం, కళ్యాణోత్సవం

ఫిబ్రవరి 15

మహాన్యాస రుద్రాభిషేకం, నంది వాహన సేవ, సామూహిక రుద్రాభిషేకం, లింగోద్భవ అభిషేకం

ఫిబ్రవరి 16

రుద్రాభిషేకం, మంత్రపుష్పం, ప్రదోషకాల పూజ, రుద్ర స్వాహాకార హోమం

ఫిబ్రవరి 17

మహాన్యాస రుద్రాభిషేకం, అన్నాభిషేకం, వసంతోత్సవం, పుష్పయాగం

ఫిబ్రవరి 18

మహాన్యాస రుద్రాభిషేకం, క్షేత్రబలి, పూర్ణాహుతి

ఎలా చేరుకోవాలి 

తెలంగాణ రాష్ట్రంలోని రంగారెడ్డి జిల్లా కీసరగుట్టలో వెలసిన ఈ ప్రసిద్ధ శైవక్షేత్రానికి రోడ్డు మార్గం ద్వారా సులభంగా చేరుకోవచ్చు.

రోడ్డు మార్గం:

• హైదరాబాద్ నగరం నుండి సుమారు 35 కి.మీ దూరంలో కీసరగుట్ట ఉంది.
• ఉప్పల్ – ఘట్‌కేసర్ మార్గం ద్వారా నేరుగా బస్సులు, క్యాబ్‌లు, ప్రైవేట్ వాహనాలు అందుబాటులో ఉంటాయి.
• TSRTC బస్సులు ఉప్పల్, కాచిగూడ, సికింద్రాబాద్ ప్రాంతాల నుండి తరచుగా నడుస్తుంటాయి.

రైలు మార్గం:

• సమీప రైల్వే స్టేషన్: ఘట్‌కేసర్
• అక్కడి నుండి కీసరగుట్టకు సుమారు 15 కి.మీ దూరం – ఆటోలు, క్యాబ్‌లు లభిస్తాయి.
• సికింద్రాబాద్ / కాచిగూడ నుండి కూడా రోడ్డు మార్గం సౌకర్యం ఉంది.

విమాన మార్గం:

• సమీప విమానాశ్రయం: రాజీవ్ గాంధీ అంతర్జాతీయ విమానాశ్రయం, శంషాబాద్
• అక్కడి నుండి సుమారు 70 కి.మీ దూరం – టాక్సీ ద్వారా చేరుకోవచ్చు.

క్షేత్ర ప్రత్యేకతలు

• కీసరగుట్ట శ్రీ రామలింగేశ్వర స్వామి ఆలయం అత్యంత ప్రాచీన శైవక్షేత్రంగా ప్రసిద్ధి.
• పురాణాల ప్రకారం శ్రీరాముడు స్వయంగా ఇక్కడ శివలింగాన్ని ప్రతిష్ఠించాడని విశ్వాసం.
• గుట్టపై వెలసిన ఈ క్షేత్రం ప్రకృతి సౌందర్యంతో, ఆధ్యాత్మిక ప్రశాంతతతో భక్తులను ఆకట్టుకుంటుంది.
• మహాశివరాత్రి సందర్భంగా జరిగే లింగోద్భవ అభిషేకం, రుద్రాభిషేకాలు, వాహన సేవలు ప్రత్యేక ఆకర్షణ.
• అన్నాభిషేకం, పుష్పయాగం వంటి విశేష సేవలు భక్తులకు ఆధ్యాత్మిక అనుభూతిని కలిగిస్తాయి.
• గుట్టపై నుండి పరిసర ప్రాంతాల దృశ్యం భక్తులకు ఆహ్లాదాన్ని అందిస్తుంది.