మచిలీపట్నం గొడుగుపేట శ్రీ వేంకటేశ్వరస్వామి వార్షిక బ్రహ్మోత్సవాలు 2026 షెడ్యూల్

మచిలీపట్నం టౌన్‌లోని గొడుగుపేట శ్రీ వేంకటేశ్వరస్వామి దేవాలయంలో వార్షిక బ్రహ్మోత్సవాలు ఫిబ్రవరి  26వ తేదీ నుంచి వైభవంగా నిర్వహించనున్నట్లు ఆలయ నిర్వాహకులు తెలిపారు. శుక్రవారం దేవాలయ ప్రాంగణంలో బ్రహ్మోత్సవాల ఆహ్వాన పత్రికలను ఆవిష్కరించారు.

2026 ఉత్సవాల కార్యక్రమాలు:

• ఫిబ్రవరి 26 – ధ్వజపఠాన్ని నగరంలో ఊరేగింపు, అంకురారోపణ కార్యక్రమం
• ఫిబ్రవరి 27 – స్వామివారిని పెండ్లికుమారుడిగా అలంకరణ; రాత్రి జగజ్యోతి కార్యక్రమం
• ఫిబ్రవరి 28 – ఎదుర్కోలు సన్నాహం
• మార్చి 1 – రాత్రి 8 గంటలకు స్వామి వారి దివ్య కల్యాణ మహోత్సవం
• మార్చి 2 – గరుడోత్సవం
• మార్చి 3 – చక్రస్నానం
• మార్చి 4 – పవళింపు సేవ
• మార్చి 7 – అన్నసమారాధన

 ఎలా చేరుకోవాలి?

• బస్సు మార్గం: మచిలీపట్నం RTC బస్ స్టాండ్ నుంచి సుమారు 2 కి.మీ. దూరంలో దేవాలయం ఉంది. ఆటోలు, షేరింగ్ వాహనాలు సులభంగా లభిస్తాయి.
• రైలు మార్గం: మచిలీపట్నం రైల్వే స్టేషన్ నుంచి సుమారు 3 కి.మీ. దూరం. స్టేషన్ బయట నుంచి ఆటోలు, క్యాబ్ సదుపాయం అందుబాటులో ఉంటుంది.
• రోడ్డు మార్గం: విజయవాడ నుంచి సుమారు 70 కి.మీ. దూరంలో మచిలీపట్నం ఉంది. నగరంలోకి చేరుకున్న తర్వాత గొడుగుపేటకు స్థానిక రవాణా ద్వారా సులభంగా చేరుకోవచ్చు.